У Магілёве другі раз за тыдзень гарэў аўтобус з пасажырамі
2- 9.12.2016, 14:08
- 24,589
Рэйсавы аўтобус загарэўся наўпрост на маршруце, калі ў салоне знаходзілася блізу 20 чалавек.
Інцыдэнт адбыўся ўчора блізу шасці вечара на прыпынку «Прывакзальны рынак». Пажар успыхнуў у маторным адсеку аўтобуса. У салоне ў гэты час знаходзілася амаль 20 пасажыраў.
Кіроўца і пасажыры (амаль 20 чалавек) пакінулі аўтобус самастойна да прыбыцця падраздзяленняў МНС.
Паводле інфармацыі МНС, да прыбыцця падраздзяленняў МНС кіроўца спрабаваў самастойна ліквідаваць узгаранне, выкарыстаў два парашковыя вогнетушыцелі.
Пасажыры не пацярпелі.
Аўтобус Mercedes (1987 г.в.), які належыць Магілёўскаму філіялу «Аўтобусны парк №1» «Магілёўаблаўтатранс», выконваў рэйс маршрутам №38.
У выніку пажару пашкоджаны маторны адсек. Прычына ўзгарання высвятляецца.