Што ЗША рабіць з Расеяй

Хаўруснікі Пуціна - матэрыялісты, прывязаныя да сваіх багаццяў, якія яны імкнуцца эвакуяаваць на Захад.

Рэзананс ад перамогі Трампа быў неймаверным і дасягнуў нават самых аддаленых куткоў свету. Але, нягледзячы на агіду ад ўсеагульнага кідання брудам, не ўсё абавязкова дрэнна, піша аналітык Брукінскага інстытута (пераклад - «Новое время»).

Замежныя экспэрты могуць быць ашаломленыя тым, што кандыдат, шчыра не разбіраецца ў замежнай палітыцы, мог атрымаць такую вялікую падтрымку, але тое, што здарылася, таксама дало ім больш глыбокае разуменне таго, што стаіць на коне.

Як бы парадаксальна гэта ні гучала, многія сталі больш шанаваць лідарства ЗША і разумець важнасць яго захавання. Лідарства ЗША незаменнае ў разнастайных праблемных сферах – ад Паўднёвакітайскага мора да Баранцава мора, а таксама «гарачых мясцінах» – ад Масула да Данецка. Яго нельга прымаць як належнае.

Адзін з міжнародных гульцоў стараўся зрабіць сваю ролю ў амерыканскіх выбарах значна больш значнай, чым павінен быў – гаворка ідзе аб Расеі. Прэзідэнт Пуцін нязваным ценем прысутнічаў на кожных прэзідэнцкіх дэбатах, і, хоць ён можа ганарыцца гэтым дасягненнем, кошт яго пакуль невядомы.

Беспрэцэдэнтная атака на сэрверы Нацыянальнага камітэта Дэмакратычнай партыі не можа застацца без адказу, і прэзідэнт Барак Абама ў тыя, што засталіся яму месяцы пры ўладзе, будзе вымушаны адрэагаваць.

Новаабранаму ж прэзідэнту давядзецца выкарыстоўваць гэты адказ для выпрацоўкі курсу, які эфектыўна спыніць замахі саслаблай, але ўсё больш агрэсіўнай Расеі. Магчыма, гэта будзе галоўным выклікам прэзідэнцтва Трампу.

Санкцыі супраць Расеі, якія становяцца першай рэакцыяй на разнастайныя варварскія дзеянні Крамля – ад авіяўдараў па Алепа да адкрытага ўзлому паштовых сэрвераў – эфектыўныя толькі збольшага. Санкцыйны рэжым трэба стала карэктаваць, каб узмацняць найбольш дзейсныя захады, але больш канкрэтна можна ціснуць праз расейскі экспарт карупцыі. Суўдзельнікі Пуціна – матэрыялісты, глыбока прывязаныя да сваіх багаццяў, якія яны імкнуцца бяспечна эвакуяваць на Захад, так што кожны ўдар па гэтых болевых месцах – спосаб паўплываць на расейскую палітыку.