У Беларусі аб'яўлены аранжавы ўзровень небяспекі
- 11.02.2016, 9:40
- 14,683
У чацвер, 11 лютага, у Беларусі будуць назірацца неспрыяльныя ўмовы надвор’я.
Пра гэта паведамілі ў Гідраметцэнтры.
Як адзначылі сіноптыкі, у цэнтральных і ўсходніх раёнах рэспублікі, у Менскай вобласці і ў Менску захаваецца паўднёва-ўсходні вецер парывамі да 15-20 м/с.
У гэтай сувязі ў рэспубліцы абвешчанае штармавое папярэджанне - аранжавы ўзровень небяспекі.
Агулам у чацвер умовы надвор'я на тэрыторыі Беларусі будуць вызначаць актыўныя атмасферныя франты, якія рухаюцца з паўднёвага захаду Еўропы. Чакаецца няўстойлівае надвор'е.
Часам пройдуць ападкі (дождж, мокры снег). Раніцай і ўдзень на захадзе месцамі моцныя ападкі. Вецер паўднёва-ўсходні парывісты, у цэнтральных і ўсходніх раёнах моцны парывісты.
Тэмпература паветра цягам дня +1.. + 7°С. Атмасферны ціск будзе падаць, у другой палове дня пачне расці.