Праз запуск КНДР ракеты ЗША накіруюць у Паўднёвую Карэю атамную субмарыну
3- 11.02.2016, 12:46
- 20,623
ЗША маюць намер накіраваць на наступным тыдні ў Паўднёвую Карэю шматмэтавую атамную падводную лодку USS «Паўночная Караліна».
Пра гэта паведамляе Yonhap (пераклад - «Европейская правда»).
«Атамная падводная лодка USS «Паўночная Караліна», якая належыць ВМС ЗША прыбывае ў Паўднёвую Карэю, наколькі я ведаю», - пацвердзіў агенцтву вайсковы чыноўнік.
Як піша выданне, субмарына класа «Вірджынія» здольная несці крылатыя ракеты «Тамагаўк» і тарпеды Mark-48, якія кіруюцца дыстанцыйна.
ЗША таксама маюць намер адправіць авіяносец «Джон К. Стэніс» класа «Німіц» у Паўднёвую Карэю ў рамках сумесных вучэнняў у наступным месяцы.
План з'яўляецца часткай намаганняў хаўруснікаў для стрымлівання Паўночнай Карэі ад далейшых вайсковых правакацый.
«Амерыканскія вайскоўцы будуць дасылаць папярэджанні і пацвердзяць сваю прыхільнасць справе абароны Паўднёвай Карэі шляхам разгортвання ключавых стратэгічных актываў на Карэйскім паўвостраве», - сказаў вайсковы чыноўнік.