Экс-кіраўнік NATO: Хлуса Пуціна трэба пакараць

Генерал Уэслі Кларк заявіў, што такім, як Пуцін, трэба кідаць выклік, іх немагчыма залагодзіць.

Былы камандзір сіламі NATO генерал Уэслі Кларк заклікаў зрабіць дадатковы дыпламатычны, эканамічны і вайсковы ціск на Расею і назваў расейскага прэзідэнта Уладзіміра Пуціна «хлусам», якога «немагчыма залагодзіць».

Кларк падзяліўся сваімі меркаваннямі ў артыкуле для выдання USA Today, дзе ён адзначыў, што «Злучаныя Штаты і іх хаўруснікі не могуць не аспрэчваць пазіцыю Расеі» (пераклад - «Голас Амерыкі»).

«Паводзіны Пуціна паказваюць стан не запалоханага, загнанага ў кут слабога лідара, але хутчэй мэтанакіраванага лідара і ашуканца, гатовага выкарыстаць сілу і рызыкаваць сур'ёзнымі канфліктамі, каб дамагчыся свайго, - піша Кларк. - Гісторыя паказвае, што такім лідарам трэба кідаць выклік, іх немагчыма залагодзіць».

На думку былога камандзіра NATO, у якасці вагара ўплыў на Расею можна выкарыстоўваць ўзмацненне жорсткасці санкцый з боку Еўропы.

Ён мяркуе, што трэба ўвесці новыя санкцыі ў дачыненні да Расеі ў адказ на яе дзеянні, якія спрыялі пагаршэнню гуманітарнай катастрофы на поўначы Сірыі.

Кларк, які кіраваў сіламі NATO падчас вайны на Балканах, таксама ўважае за неабходнае ўзмацніць ціск з боку NATO, умацоўваючы апоры заходніх каштоўнасцяў у Балтыі ды Украіне.

«Далей, нашы сябры з Саудаўскай Арабіі з іх нафтавым кранам маглі б «пакараць» Расею, працягваючы зніжаць кошты нафты або, наадварот, пагадзіцца абмежаваць аб'ёмы вытворчасці, каб пераканаць расейцаў адправіцца дадому ў абмен на ажыўленне эканомікі», - піша адстаўны генерал.

Акрамя таго, ён намагае на неабходнасці «абмежаванняў паветраных і марскіх рухаў Расеі, узмоцненых спецаперацый супраць рэжыму Асада з прыцягненнем узброеных сіл Саудаўскай Арабіі, Эміратаў і нават ЗША».

«Злучаныя Штаты, супрацоўнічаючы з ААН і ўсімі бакамі ў рэгіёне і узяўшы на сябе ініцыятыву ў плане аказання ціску на Расею, маглі б дамагчыся неабходных пастаноў аб ІД, аб агульных геастратэгічных праблемах Блізкага Усходу і аб расейскіх пагрозах у Еўропе, - рэзюмаваў ён. - Калі гэтага не зробім мы, то хто?»