У Латвіі плануюць скасаваць расейскую мову ў школах
18- 9.02.2016, 11:03
- 15,435
Новы ўрад Латвіі пад кіраўніцтвам Марыса Кучынскіса распрацуе план пераходу ўсіх школ на латышскую мову з 1 верасня 2018 года.
Гэта абавязанне ўключанае ў канчатковы праект урадавай дэкларацыі, паведамляе Delfi.lv.
У дакуменце адзначаецца, што партнёры ў кааліцыі прынялі да ведама асобную думку нацыянальнага аб'яднання VL-«Тевземей ун Бривибай»/ДННЛ (якое ўваходзіць у склад урадавай кааліцыі) аб тым, што пачаць пераход на навучанне на латышскай мове ў дзяржаўных і муніцыпальных школах трэба да 1 верасня 2018 года.
Таксама прынятая да ведама асобная думка аб'яднання аб тым, што неабходна скасаваць выдачу відаў на жыхарства за набыццё нерухомасці.
Дэкларацыю ўрада плануецца падпісаць 11 лютага, калі ў Сойме адбудзецца галасаванне аб яго зацвярджэнні.
Раней сайт паведамляў, што ў Латвіі закрывае апошні мясцовы расейскамоўны тэлеканал.