Азаранка кваліфікавалася на Алімпіяду ў Бразілію

Магчыма, у гэтым і палягае прычына, чаму тэнісістка адмовілася дапамагчы нацыянальнай камандзе Беларусі ў нядаўнім матчы з Канадай.

Вікторыя Азаранка кваліфікавалася на Алімпійскія гульні ў Бразіліі. Пра гэта сведчыць афіцыйны адказ з Міжнароднай тэніснай федэрацыі, паведамляе "Прессбол". Азаранцы хапіла двух стартаў у Кубку федэрацыі ў алімпійскім цыкле (у Будапешце і Токіё).

Магчыма, у гэтым і палягае прычына, чаму тэнісістка адмовілася дапамагчы нацыянальнай камандзе Беларусі ў нядаўнім матчы з Канадай. Сама Вікторыя дагэтуль сваю пастанову не патлумачыла. Меркавалася, што яна сама павінна быць зацікаўленая ва ўдзеле ў матчы ў складзе беларускай нацыянальнай каманды. Цяпер жа высветлілася, што і без яго яна мела «туры ў кішэні».

Як вядома, беларускія тэнісісткі без Азаранкі перамаглі нацыянальную каманду Канады - 3:2. У красавіку іх чакае выступленне ў плэй-оф Кубка федэрацыі.