У гіпермаркетах Чыжа ProStore назіраюцца перабоі з таварамі
21- 14.03.2016, 17:41
- 23,738
Пачынаючы з суботы ў гандлёвай сетцы імкліва зменшыўся асартымент.
У гіпермаркетах ProStore назіраюцца перабоі з таварамі. Так, у суботу 12 сакавіка ў продажы не было ялавічыны. Меншы, чым звычайна, быў асартымент сыроў, вяндліны, паведамляе «Наша Нiва».
Аб памяншэнні асартыменту сведчылі таксама паліцы, запоўненыя аднолькавымі таварамі: аўсянкай, асобнымі газаванымі напоямі.
13 і 14 сакавіка сітуацыя захоўваецца.
Гэта сведчыць аб неплацежаздольнасці з боку кампаніі «Трайпл», якой належаць ProStore.
Некалькімі днямі раней у рэдакцыю сайта charter97.org звярнуліся касіры гіпермаркета ProStore і паведамілі, што ў гэтым месяцы кіраўніцтва затрымлівае работнікам заробак.
11 сакавіка стала вядома пра затрыманне ўласніка «Трайпла», мультымільянера Юрыя Чыжа, а таксама мэнэджараў кампаніі.