Самымі высокааплатнымі гульцамі чэмпіянату Беларусі былі Глеб і Бечырай

Самымі высокааплатнымі гульцамі чэмпіянату Беларусі-2015 былі паўабаронца БАТЭ Аляксандр Глеб і форвард менскага «Дынама» Фатас Бечырай.

Як піша «Трибуна», першая дзесятка выглядае так:

1. Аляксандр Глеб (БАТЭ) - 20 тысяч даляраў

Фатас Бечырай (Дынама Менск) - 20

3. Віталь Радзівонаў (БАТЭ) - 15

Нусмір Фаіч (Дынама Менск) - 15

Чыгозі Удоджы (Дынама Менск) - 15

Умару Бангура (Дынама Менск) - 15

7. Ігар Стасевіч (БАТЭ) - 12

Максім Жаўнерчык (БАТЭ) - 12

Артур Едзігаран (Дынама Менск) - 12

Нівалду (Дынама Менск) 12

Ненад Адамовіч (Дынама Менск) 12

Адзначым, што ў 2015 годзе ў топ-70 самых вялікіх заробкаў акрамя футбалістаў БАТЭ, менскага «Дынама» і «Шахцёра» патрапіла ўсяго два футбалісты «Тарпеда-БелАЗ». У леташнім рэйтынгу прысутнічалі прадстаўнікі васьмі клубаў вышэйшай лігі. 44 футбалісты прадстаўлялі БАТЭ, менскае «Дынама» і «Шахцёр», 26 - астатнія клубы ( «Менск», «Гомель», «Нёман», «Тарпеда-БелАЗ», «Днепр»).

Сярэдні заробак футбалістаў БАТЭ - 8,9 тысяч даляраў, менскага «Дынама» - 8,8, «Шахцёра» - 5. У астатніх камандах найвышэйшы заробак складаў 3 тысячы у.а. - столькі атрымлівалі лідары.