Daily Mail: Старэйшы брат аднаго з брусэльскіх тэрарыстаў - вядомы спартовец
- 24.03.2016, 10:03
- 8,632
Стала вядома, хто з'яўляецца сваяком Наджыма Лашраві, якога ўлады Бельгіі прызналі другім тэрарыстам, што падарваў сябе ў аэрапорце Брусэля.
Пра гэта паведамляе Daily Mail.
Паводле звестак брытанскага выдання, у 2015 годзе ён здабыў сярэбраны медаль на чэмпіянаце свету.
Бацька Лашраві распавёў, што з Наджымам сям'я перастала мець стасункі пасля таго, як у яго з'явіліся фанатычныя перакананні, і «нічога не чулі пра яго ўжо тры гады». Ён непакоіцца, што ўчынак малодшага сына перашкодзіць спартовай кар'еры старэйшага.
Ідэнтыфікаваць імёны тэрарыстаў, якія ўчынілі самападрыў у аэрапорце Брусэля, атрымалася 23 сакавіка.
22 сакавіка раніцай у аэрапорце Завентэм прагрымелі два выбухі, учыненыя смяротнікамі, у выніку якіх у зале вылету абрынуліся панэлі столі. Трэці тэрарыст, які пранёс выбухоўку ў аэрапорт, але пакінуў месца незадоўга да выбуху, адшукваецца.
Неўзабаве стала вядома аб выбуху на станцыі метро «Маэльбэк» у Брусэлі. Паліцыя выявіла, што ў падземцы падарваў сябе Халід аль-Бакраві, брат Ібрагіма. У выніку тэрактаў, паводле інфармацыі СМІ, загінулі 32 чалавекі. Улады афіцыйна паведамлялі аб 31 загінулым.
Адказнасць за выбухі ўзяла на сябе тэрарыстычная групоўка «Ісламская дзяржава».