У 2015 годзе беларусы атрымалі 753,6 тысяч шэнгенскіх візаў

Пры чым большасць візаў шматразовыя.

У 2015 годзе грамадзянам Беларусі было выдадзена 753 637 шэнгенскіх візаў, паведамляе сайт Еўракамісіі.

Пры гэтым 66,3% ад агульнай колькасці выдадзеных шэнгенскіх візаў склалі шматразовыя – 499 999.

Адмоўлена ў выдачы шэнгенскай візы 0,3% беларусаў, якія звярнуліся за яе атрыманнем. Гэта адзін з самых нізкіх паказчыкаў у свеце.

Раней сайт charter97.org паведамляў пра тое, што Беларусь - першая ў свеце па колькасці шэнгенскіх візаў на чалавека.