З 1 красавіка Беларусь падвышае падаткі на нафту і нафтапрадукты

У Беларусі павысяць экспартныя падаткі на нафту і нафтапрадукты, якія вывозяць за межы мытнай тэрыторыі ЕАЭС.

Гэтае рашэнне ўтрымліваецца ў пастанове Савета міністраў ад 28 сакавіка 2016 года №249.

Экспартны падатак на сырую нафту падвысяць да $54,9 за 1 т (раней - $39,5). Стаўка падатку на першасны бензін павялічыцца з $28 да $38,9 за 1 т, а на таварныя тыпы бензіну - з $24 да $33,4 за 1 т.

Падатак на лёгкія, сярэднія дыстыляты будзе роўны $21,9 за 1 т (да гэтага - $15,8). Аналагічная стаўка ўстаноўленая для дызельнага паліва, бензолу, талуолу, ксілолу, змазачных і іншых алеяў.

У апошні раз памеры падаткаў змяняліся 1 сакавіка. Тады яны былі зніжаныя.