Віцебскі міліцыянт закрыў сабой дзіця ад наезду аўтамабіля

За долі секунды міліцыянт паспеў схапіць школьніка за ручку заплечніка.

У сераду, 2 сакавіка, у Віцебску а 17:13, вяртаючыся пасля нясення службы, прапаршчык міліцыі Чыгуначнага аддзела Дэпартамента аховы Сяргей Баталка прадухіліў наезд на школьніка.

«На праезнай частцы ў раёне вуліцы Будзёнага па не рэгуляваным пешаходным пераходзе хлопчык пераходзіў дарогу, следам ішоў міліцыянт. Аўтамабілі на двух палосах спыніліся, саступіўшы дарогу. Прапаршчык міліцыі краем вока звярнуў увагу, што па трамвайных рэйках рухаецца аўтамабіль, не спрабуючы знізіць хуткасць, а дзіця прадаўжае ісці наперад. За долі секунды міліцыянт паспеў схапіць школьніка за ручку заплечніка, пацягнуць і сабой закрыць ад удару», - паведаміла БелаПАН прадстаўніца Дэпартамента аховы МУС Алена Гоман.

Як адзначаецца, у выніку наезду Сяргей Баталка атрымаў удар левай галёнкі, яму надалі медыцынскую дапамогу без шпіталізацыі. Шасцікласнік жа не пацярпеў і адчувае сябе добра.

Кіроўцы, якія сталі сведкамі здарэння, не праехалі побач, прапанавалі дапамогу і выклікалі супрацоўнікаў ДАІ.

58-гадовы кіроўца, які ўчыніў наезд на пешаходаў, не змог патлумачыць, куды так спяшаўся. Ён прыцягнуты да адміністрацыйнай адказнасці паводле ч.1 арт.18.17 і ч.5 арт.18.22 КаАП.