МЗС Літвы: Беларусь не выконвае абяцанняў што да Астравецкай АЭС

Міністр замежных спраў Літвы Лінас Лінкявічус заявіў: Літва не атрымлівае ўсіх адказаў ад афіцыйнага Менска аб бяспецы АЭС у Астраўцы.

Пра гэта ён паведаміў на сустрэчы са спецпасланнікам Дзярждэпартамента ЗША ў пытаннях энэргетыкі Амасам Хаштэйнам, паведамляе 1 красавіка літоўскае замежнапалітычная ўстанова.

«На жаль ўсё яшчэ няма адказаў на пастаўленыя Літвой пытанні аб выбары пляцоўкі для Астравецкім АЭС, аналіза ўплыву на навакольнае асяроддзе. Беларускія ўлады пакуль не дэманструюць гатоўнасці рэалізаваць свае абяцанні правесці тэставанне АЭС, якая будуецца ў неспрыяльных умовах», - прыводзяцца словы міністра.

Са слоў Лінкявічуса, станцыя будуецца за 50 км ад Вільні «без захавання міжнародных стандартаў бяспекі».

Раней эколагі патрабавалі ад Беларусі выканання пастаноў Канвенцыі Эспа што да БелАЭС і накіравалі зварот у Мінпрыроды Беларусі, Міністэрства навакольнага асяроддзя Літвы і Камітэт ажыццяўлення Канвенцыі Эспа. Экалагічная грамадскасць выказвае занепакоенасць тым, што Беларусь яшчэ не выканала ніводнага з пункту гэтай пастановы. Эколагі таксама заклікалі прыпыніць будаўніцтва БелАЭС.

Прэм'ер-міністр Літвы Альгірдас Буткявічус заяўляў, што ў будучыні яго краіна не плануе купляць электраэнэргію з Астравецкай АЭС, якая недалёка ад мяжы з Літвой.

Менск адкідае гэтыя прэтэнзіі, заяўляючы, што на АЭС забяспечаны вышэйшыя стандарты бяспекі. Астравецкую АЭС будуе расейская атамная карпарацыя «Расатам».

Беларуская атамная станцыя будзе складацца з двух энэргаблокаў агульнай магутнасцю да 2400 МВт. Першы энергаблок плануецца ўвесці ў эксплуатацыю ў 2018 годзе, другі - у 2020 годзе.