Жаночая нацыянальная каманда Беларусі ў валейболе засталася без галоўнага трэнера

Пётр Хілько і ягоныя памочнікі напісалі заяву аб звальненні.

Так яны вызначылі на знак нязгоды з палітыкай цяперашняга кіраўніцтва федэрацыі валейбола, паведамляе «Брэсцкая газета».

«Да гэтага належаць пытанні і камплектавання каманды, і падрыхтоўкі. Хранічны недахоп грошай вядзе за сабой перакройванне планаў. Думаю, што федэрацыя не надта з гэтай нагоды перажывала, яны ўжо прызначылі новага трэнера. Я магу пажадаць дзяўчатам, гульцам нацыянальнай каманды, поспеху», - распавёў галоўны трэнер нацыянальнай жаночай каманды Беларусі ў валейболе Пётр Хілько.

Не выключана, што Пётр Хілько пасля заканчэння сезону сыдзе з пасады галоўнага трэнера і берасцейскага клуба «Прыбужжа». У міжсезонне Хілько, паводле ягоных слоў, «пастараецца пашукаць варыянты».

Пад кіраўніцтвам Пятра Хілько і ягоных памочнікаў «Прыбужжа» здабыло ў гэтым сезоне Кубак Беларусі, а жаночая нацыянальная каманда краіны выйшла ў 1/8 фіналу чэмпіянату Еўропы ў валейболе.