Відэафакт: салігорскія будаўнікі пратэстуюць

У сеціве з'явілася відэа, на якім блізу 20 будаўнікоў стукаюць каскамі па падлозе на знак пратэсту супраць падвышэння пенсійнага ўзросту.

Відэа з пратэстам будаўнікоў з Салігорску даслаў у рэдакцыю сайта charter97.org адзін з чытачоў.

На кадрах бачна, як блізу 20 чалавек у робах «Рэммантажбуд» спачатку стукаюць каскамі па падлозе, а затым адзін з рабочых выходзіць наперад са словамі: «Мы супраць падвышэння пенсійнага ўзросту, асабліва тым, хто працуе ў шкодных умовах!»

Раней «Трэст «Рэммантажбуд» уваходзіў у склад ААТ «Беларуськалій», аднак у 2014 годзе прадпрыемства выключыла са свайго складу будаўнічы трэст.