У Горадні праз безгаспадарную сумку ачапілі прыпынак

Жаночую сумку на даху прыпыначнага павільёна заўважылі мінакі 20 красавіка а 10 гадзіне раніцы.

Пільныя мінакі неадкладна звярнуліся ў міліцыю. Да прыпыначнага павільёна на вуліцы Славінскага высунуліся нарады міліцыі. Месца выяўлення прадмета было ачэплена. Неўзабаве прыбыла і група размініравання, паведамляе БелТА.

«Высветлілася, што прадмет небяспекі не ўяўляе. Гэта звычайная старая жаночая сумка. Яна перададзена ў стол знаходак», - паведаміў начальнік прэс-службы УУС Гарадзенскага аблвыканкама Яўген Дудко.

Цяпер прыпынак працуе ў звычайным рэжыме.