Выбух на «Паліміры» ў Наваполацку

Паведамленні аб НЗ на наваполацкім заводзе з'явіліся ў сацыяльных сетках ўвечары 27 красавіка.

Відавочцы пісалі пра «выбух і моцны пажар» у адным з цэхаў прадпрыемства. Як распавёў tut.by прэс-сакратар МНС Віталь Навіцкі, інцыдэнт адбыўся праз выкід этылену.

Паведамленне ад старэйшага дыспетчара «Палімір» ААТ «Нафтан» паступіла ў МНС а 16.58. У цэху 105 праз адмову рэгулятарнага клапана адбыўся выкід этылену і спыненне тэхналагічнага працэсу.

«На месцы працуе камісія інжынерна-тэхнічнага складу завода, вядуцца рэгламентныя тэхналагічныя работы запуску цэха. Прычына адмовы рэгулятарнага клапана высвятляецца. Інфармацыі аб пацярпелых няма», - паведаміў падрабязнасці Віталь Навіцкі.