«Судовы канвеер» у Менску разгледзіць 12 спраў за Дзень Волі
7- 28.04.2016, 11:46
- 12,691
28 красавіка ў судзе Савецкага раёна Менска пачаўся разгляд адміністрацыйных спраў супраць удзельнікаў святкавання Дня Волі.
Дазволенае шэсце 25 сакавіка часткова праходзіла не па заяўленым маршруце - ад помніка Янку Купалу да кінатэатра «Кастрычнік».
Гэта ўлады палічылі «парушэннем» парадку правядзення масавых мерапрыемстваў.
На многіх дэманстрантаў склалі адміністрацыйныя пратаколы, паведамляе сайт spring96.org.
На «судовы канвеер» сёння выклікалі актывістаў:
Кацярыну Людвіг (пачатак а 10 гадзіне, суддзя С. Салапан), пастанова - штраф 25 базавых велічынь, 5 міліёнаў 250 тысяч.
Максіма Вінярскага (10-00, суддзя Фёдарава),
Алеся Макаева (10-00, суддзя Д. Жданок),
Яўгена Батуру (10-00, суддзя Драчова),
Мікалая Коласа (14-30, суддзя Драчова),
Дзмітрыя Паліенку (10-00, суддзя Круковіч),
Дзмітрыя Сільчанку (14-30, суддзя Абрамовіч),
Змітра Дашкевіча (14-30, суддзя А. Якунчыхін),
Аляксея Янукевіча (10-00, суддзя Л. Гарчыліна),
Мікалая Казлова (10-00, суддзя Дубаневіч),
Віталя Рымашэўскага (суддзя Фёдарава),
і намесніка старшыні Руху «За Свабоду» Алеся Лагвінца.