Выбух пад Багдадам: загінулі 17 чалавек
1- 30.04.2016, 12:33
- 6,309
У выніку выбуху, які адбыўся недалёка ад сталіцы Ірака Багдада, загінулі не менш за 17 чалавек, больш за 20 атрымалі раны.
Як паведамляюць улады краіны, замінаваны аўтамабіль быў падарваны побач з рынкам у прадмесці горада, перадае ВВС.
У мясцовай паліцыі паведамілі, што мэтай нападу былі паломнікі-шыіты, якія праходзілі міма да адной з суседніх мячэцяў.
Адказнасць за выбух на сябе пакуль ніхто не ўзяў, аднак экстрэмісцкая групоўка "Ісламская дзяржава", раней учыняла такога кшталту напады на шыіцкіх паломнікаў і цывільнае насельніцтва ў ваколіцах Багдаду.