Міністэрства аховы здароўя Беларусі прапануе абмежаваць паленне ў прысутнасці дзяцей да 14 гадоў

Забаронена будзе паліць у прысутнасці дзяцей да 14 гадоў у аўтамабілях і закрытых месцах агульнага карыстання.

Пра гэта распавяла журналістам загадчыца аддзела грамадскага здароўя Рэспубліканскага цэнтра гігіены, эпідэміялогіі і грамадскага здароўя Вольга Бартман, паведамляе БелТА.

Міністэрства аховы здароўя Беларусі супольна з зацікаўленымі выйшаў з ініцыятывай аб унясенні змяненняў у дэкрэт №28.

Прынамсі, прапануецца прыраўняць электронныя цыгарэты да звычайных тытунёвых вырабаў, пашырыць колькасць грамадскіх месцаў, дзе будзе забароненае паленне, а таксама ўвесці забарону на паленне ў прысутнасці дзяцей да 14 гадоў у аўтамабілях і закрытых грамадскіх месцах агульнага карыстання.

«Прапановы накіраваныя на разгляд. Спадзяемся, што ініцыятывы будуць падтрыманыя і большасць з іх прынятыя», - сказала Вольга Бартман.

Акрамя таго, прадаўжаецца праца фармавання палітыкі коштаў тытунёвых вырабаў. «Гаворка ідзе пра тое, каб у ЕАЭС устанавіць нейкі мінімальны парог, ніжэй якога кошты цыгарэт не павінны апускацца», - патлумачыла Вольга Бартман.

Пры гэтым прапануецца не абмяжоўваць верхні парог кошту цыгарэт.