Кітай прапанаваў перанесці свае прадпрыемствы на расейскі Далёкі Усход

Перанос закране прадпрыемствы ў 12 галінах эканомікі, у тым ліку шкодных - цэментнай, хімічнай і металургіі.

Кітай можа перанесці частку сваіх прадпрыемстваў на тэрыторыю расейскага Далёкага Усходу, вынікае з паведамлення Мінўсходразвіцця паводле вынікаў падчас візіту міністра Аляксандра Галушкі ў Пекін.

Магчымасць экспарту вытворчых магутнасцяў абмяркоўвалася на перамовах дырэктара дэпартамента Мінўсходразвіцця Рустама Макарава з кіраўніком дэпартамента развіцця прамысловасці Паўночна-Усходніх правінцый КНР Дзяржаўнага камітэта развіцця і рэформ Чжоу Цзяньпінам.

«Гаворка ідзе аб магчымым пераводзе кітайскіх прадпрыемстваў на тэрыторыю Далёкага Усходу з улікам абавязковага выканання устаноўленых у Расеі экалагічных патрабаванняў», - сказана ў паведамленні. З яго вынікае, што Кітай выступіў з ініцыятывай «па экспарце вытворчых магутнасцяў у 12 прыярытэтных галінах эканомікі».

Гаворка ідзе пра будаўнічыя індустрыі, металургіі, энэргетыцы, машынабудавання, суднабудавання, хімічнай прамысловасці, тэкстыльнай прамысловасці, цэментнай прамысловасці, сферы тэлекамунікацый і сельскай гаспадарцы.

Кітайскі бок «гатовы актыўна прыцягваць прыватныя і дзяржаўныя кампаніі да рэалізацыі» такіх праектаў, адзначыў Цзянпін падчас перамоваў.

Прадстаўнік Мінўсходразвіцця у сваю чаргу пацвердзіў гатоўнасць расейскага боку да ўзаемадзеяння. Ён адзначыў, што новыя прадпрыемствы, што ствараюцца ў рамках тэрыторый апераджальнага развіцця і Свабоднага порта Уладзівасток, атрымліваюць істотныя падатковыя льготы і адміністрацыйныя прэферэнцыі. «Мы гатовыя прыняць кітайскія прадпрыемствы і ствараць сумесныя экспартаарыентаваныя вытворчасці на далёкаўсходняй тэрыторыі», - сказаў Макараў.