Элісан, Калюжны, і яшчэ 12 хакеістаў "Дынама" сталі неабмежавана свабоднымі агентамі
2- 1.05.2016, 20:48
- 15,274
Кантынентальная хакейная ліга апублікавала спіс неабмежавана свабодных агентаў.
У іх лік увайшлі і многія гульцы менскага «Дынама», піша tut.by.
Імі сталі брамнікі Джэф Глас і Віталь Бялінскі, абаронцы Раян Гундэрсан, Андрэй Філічкін і Іван Усенка, а таксама форварды Джонатан Чычу, Мэт Элісан, Аляксей Калюжны, Пол Шчахура, Андрэй Сцяпанаў, Раян Веске, Канстанцін Кальцоў, Дзмітры Мялешка, Андрэй Міхалёў і Станіслаў Лапачук.
На гэты момант гэтыя хакеісты не маюць кантрактных абавязанняў перад клубам. Раней «Дынама» апублікавала інфармацыю, што Глас, Чычу, Шчахура і Веске новыя пагадненні прапанаваны не будуць.
Прапановы аб падпісанні новага кантракту атрымалі абаронцы Дзмітрый Знахаранка, Яўген Лісавец, Алег Гарошка, Ілля Шынкевіч і нападнік Мікіта Камароў, Артур Гаўрусеў, Дзмітрый Амбражэйчык, Аляксандр Паўлавіч і Сяргей Дрозд. Цяпер яны маюць статус абмежавана свабодных агентаў, бо ім яшчэ не споўнілася 29 гадоў. У выпадку пераходу ў іншы клуб КХЛ «Дынама» атрымае кампенсацыю за гэтых хакеістаў.
Кантракты на наступны сезон маюць брамнікі Кевін Лаланд, Дзмітрый Мільчакоў, Міхаіл Карнаухаў, абаронцы Нік Бэйлен, Лукаш Крайчак, Мікіта Усціненка, Яўген Нагачоў і нападнік Шарль Лінгле, Аляксандр Мацярухін і Аляксандр Кулакоў.