У Гародні знялі скандальны білборд, дзе Купалу пераблыталі з Коласам
6- 22.05.2016, 19:08
- 20,281
Партрэт Янкі Купалы пад імем Якуба Коласа раптам знік з гарадскіх вуліц.
20 траўня інтэрнэт абляцеў здымак - на білбордзе ў Гародні выяўлены Янка Купала, але тэкст сацыяльнай рэкламы сцвярджае, што плакат прысвечаны Якубу Коласу.
Фота было зробленае ў цэнтры Гародні. Места актыўна рыхтуецца да 11-га Фэсту нацыянальных культур. Тэматычныя плакаты з беларускімі знакамітымі паэтамі і пісьменнікамі прымеркаваныя да фэсту і году культуры ў Беларусі.
Да раніцы пасля з'яўлення здымка ў інтэрнэце недарэчная рэклама не датрывала. Білборд знік з вуліц, паведамляе kp.by.