Улады прадаўжаюць выдаткоўваць грошы на завод, які праваліў «мадэрнізацыю»

Дзяржава цягам года будзе поўнасцю выплачваць адсоткі крэдытаў, якія ААТ «Камволь» узяло для рэалізацыі інвестпраекта.

Дзяржава ў 2016 годзе выплаціць адсоткі крэдытаў на інвестпраект ААТ «Камволь», паведамляецца на сайце Саўміна.

Там удакладнілі, што такое рашэнне замацаванае пастановай Савета міністраў №397 ад 19 траўня 2016 года, якая ўжо ўвайшла ў дзеянне.

Згодна з дакументам, за кошт сродкаў рэспубліканскага бюджэту ў 2016 годзе дзяржава будзе выплачваць Беларусбанку поўную стаўку крэдытаў, якія «Камволь» узяў на інвестпраект для мадэрнізацыі вытворчага корпуса. Праект прадугледжвае нарошчванне вытворчасці камвольных тканін на гэтым участку да 6 мільёнаў пагонных метраў у год і будаўніцтва аўтаномнай энэргакрыніцы.

Акрамя таго, прадпрыемству будуць выплачаныя расходы ў выплаце камісій у адкрыцці дакументарных акрэдытываў і камісій у прыцягненні крэдытаў замежных банкаў у поўным аб'ёме, а таксама расходы ў выплаце крэдытаў на страхавыя выдаткі.

Як паведамлялася, у канцы снежня мінулага года Лукашэнка падпісаў указ №493 аб выдзяленні ААТ «Камволь» бюджэтнай пазыкі сумаю пяці мільёнаў еўраў для папаўнення абаротных сродкаў. Гэта было зроблена пасля таго, як некалькімі тыднямі раней кіраўнік раскрытыкаваў даклад аб мадэрнізацыі «Камволя» і заявіў, што профільны міністр «займаецца ашуканствам». Лукашэнка паабяцаў пабываць на «Камволі» «нечакана» і паабяцаў выдаць бюджэтную пазыку сумаю пяці мільёнаў еўраў. Ён таксама адхіліў ад пасад двух намеснікаў кіраўнікоў профільных міністэрстваў за «ашуканства».

Ва ўказе таксама гаворыцца, што «вінаватыя дзеі службовых асоб, якія выявіліся ў неналежным або несвоечасовым выкананні нормаў гэтага ўказа і (або) указа ад 14 лiстапада 2013 г. №510, што пацягнула прычыненне шкоду дзяржаўнай уласнасцi або істотнай шкоды дзяржаўным або грамадскім інтарэсам, пры наяўнасці падстаў цягнуць крымінальную адказнасць у адпаведнасці з заканадаўствам».

Мадэрнізацыя «Камволя» пачалася ў 2013 годзе. Пры гэтым першапачаткова планавалася аб'яднаць прадпрыемства з ААТ «КІМ», аднак пазней Лукашэнка гэтую ідэю не падтрымаў.

На пачатак снежня 2015 года, паводле звестак прэс-службы ўрада, «Камволь» ажыццявіў мадэрнізацыю асноўных ліній вытворчасці тканін, аднак прадпрыемству не выстарчыла грошай для фінішнай адладкі вытворчых працэсаў, перабудовы маркетынгу і кіравання.

У сакавіку 2016 года стала вядома, што былому старшыню канцэрна «Беллегпрам» ставіцца ў віну замах на атрыманне хабару сумаю не менш за мільён еўраў. Са слоў начальніка ГУБЭЗ КМ МУС палкоўнік міліцыі Эдуарда Нікіціна, хабар планавалася за лабіраванне пытання аб падпісанні дамовы на пастаўку на адрас ААТ «Камволь» не патрэбнага прадпрыемству абсталявання коштам 18 мільёнаў еўраў.