Віктар Навумаў: Прыбярыце БАТЭ з чэмпіянату Беларусі - класічнае першынство лазні

Экс-гулец менскага "Дынама", магілёўскага "Дняпра" і віцебскага КІМа, зорка 90-х параўнаў чэмпіянат Беларусі з першынством лазні.

Пра гэта Віктар Навумаў распавёў у інтэрв'ю "Прессболу".

- Хаджу на хатнія гульні "Віцебска" і ўсё больш хвалююся. Усе шэранькае, панылае, нізенькае. Прыбярыце БАТЭ - класічнае першынство лазні. Свежы дыягназ Байдачнага абсалютна дакладны: ідзем на дно. А ўся гэтая гаварыльня - дэградацыя, узровень не той - дробязь. Назаві хоць адну нашую сапраўдную футбольную зорку пасля Глеба? Вось менавіта - нікога. Шэрыя мышы ў аблоках не лётаюць. І жыццё краіны - шэрае, - адзначыў Віктар Навумаў.