МНС абвясціла штармавое папярэджанне

На большай частцы Беларусі і ў Менску чакаюцца навальніцы, шквалісты вецер, град і моцныя ліўні.

У Беларусі абвешчанае штармавое папярэджанне. Пра гэта паведамляе Рэспубліканскі гідраметцэнтр і МНС.

Сёння, 25 траўня, з 11 да 18 гадзін на большай частцы Беларусі і ў Менску чакаюцца навальніцы. Непагадзь захаваецца да канца дня і ў ноч з серады на чацвер, 26 траўня. Пры навальніцах месцамі чакаецца шквалістае ўзмацненне ветру парывамі да 15-20 метраў на секунду, град, моцныя ліўні, папярэджвае прэс-служба МНС.