Фотафакт: у Фларэнцыі 20 аўтамабіляў праваліліся ў вялізную яму

У Італіі дзясяткі аўтамабіляў атрымалі пашкоджанні ў выніку правалу грунту на беразе ракі ў цэнтры Фларэнцыі.

Гэта адбылося на набярэжнай ракі Арно, паблізу гістарычнага Старога моста, паведамляе onliner.by.

Блізу 20 прыпаркаваных на набярэжнай аўтамабіляў апынуліся ў буйной яме, даўжыня якой склала амаль 200 м. Інцыдэнт адбыўся ўранку. У выніку правалу ніхто з турыстаў і мясцовых жыхароў не пацярпеў. Паводле папярэдніх звестак, прычынай правалу грунту стаў прарыў водаправода.