Краіны G7 дамовіліся працягнуць санкцыі супраць Расеі

Санкцыі застануцца ў сіле, пакуль Менскія пагадненні не будуць цалкам выкананыя.

Брытанскі прэм'ер-міністр Дэвід Кэмеран падчас выступу паводле вынікаў саміту Вялікай сямёркі заявіў, што ўдзельнічалі ў саміце краіны дамовіліся працягнуць санкцыі супраць Расеі ў чэрвені 2016 года, паведамляе расейская служба BBC.

Са слоў прэм'ера, падаўжэнне санкцый у дачыненні да Расеі мае «вырашальнае значэнне». «Лідары «сямёркі» ўважаюць, што існуючыя санкцыі павінны заставацца ў сіле, пакуль Менскія пагадненні не будуць цалкам выкананыя», - дадаў Кэмеран.

Такую ж заяву зрабіў напярэдадні кіраўнік Еўрапейскай рады Дональд Туск. «Еўрапейскі звяз працягне бягучую палітыку ў дачыненні да Расейскай Федэрацыі, у тым ліку эканамічныя санкцыі. Такая пазіцыя ЕЗ патрабуе поўнага выканання Менскіх пагадненняў», - заявіў ён.

Кэмеран акрамя санкцый закрануў праблемы мігрантаў, патэнцыйнага выхаду Брытаніі з ЕЗ, сітуацыю на Блізкім Усходзе і іншых міжнародных праблем.

Нагадаем, санкцыі ў дачыненні да Расеі былі ўведзеныя ў сувязі з анэксіяй Крыма і канфліктам на паўднёвым усходзе Украіны, удзел у якім Масква паслядоўна адмаўляе. У адказ на заходнія санкцыі Расея ўвяла ў адказ абмежаванні.

Скасаванне санкцый Еўропа і ЗША ўвязваюць з выкананнем Расеяй Менскіх пагадненняў. Як заявіў дзяржсакратар ЗША Джон Кэры, Расея выканала важную іх частку, вызваліўшы ўкраінскую лётчыцу Надзею Саўчанку.

У заяве дзярждэпартамента ЗША таксама пералічваюцца нявыкананыя пункты пагадненняў: аб поўным спыненні агню на ўсходзе Украіне, правядзенні там выбараў у адпаведнасці з украінскімі законамі і стандартамі АБСЕ, аб вывадзе з рэгіёну замежных войскаў, наймітаў і вайсковай тэхнікі, а таксама аб вяртанні Украіне поўнага кантролю над яе вонкавай мяжой.