Лазараў упаў падчас рэпетыцыі на «Еўравізіі» ў Стакгольме
3- 3.05.2016, 9:38
- 7,603
Прадстаўнік Расеі не змог справіцца з занадта складаным нумарам.
Прадстаўнік Расеі на песенным конкурсе «Еўравізіі-2016» Сяргей Лазараў упаў падчас сваёй першай рэпетыцыі на шведскай сцэне.
Пра гэта паведамляе афіцыйны сайт мясцовага тэлеканала SVT.
Са слоў арганізатараў конкурсу, у нумары Лазарава прысутнічае шмат складаных элементаў, між іншым выканаўца выкарыстоўвае ў якасці дэкарацыі вялікі экран, піша БелТА.
У адзін з момантаў свайго нумара прадстаўнік Расеі пачынае падымацца па гэтым экране з дапамогай лесвіцы, што спецыяльна з'яўляюцца. Паведамляецца, што падзенне спевака адбылося як раз у той момант, калі ён пачаў падымацца па лесвіцы.
На шчасце, Сяргей Лазараў не пацярпеў падчас падзення і ўжо праз некалькі хвілін пасля інцыдэнту працягнуў рэпетыцыю. Характэрна, што арганізатары шоу далі расейскаму выканаўцу рэпетаваць свой нумар тройчы.
Нагадаем, сёлета «Еўравізія» пройдзе ў шведскай сталіцы. Сяргей Лазараў з'явіцца перад гледачамі на сцэне ў першым паўфінале, які пройдзе 10 траўня. Прадстаўнік Беларусі Аляксандр Іваноў, вядомы таксама як IVAN упершыню ў рамках конкурсу выканае сваю кампазіцыю 12 траўня, у другім паўфінале.