225 гадоў таму была прынятая канстытуцыя Рэчы Паспалітай
15- 3.05.2016, 10:53
- 17,683
Канстытуцыя 3 траўня стала першай прынятай у Еўропе і другой, пасля ЗША, у свеце.
Сёння святкуецца 225-годдзе з дня прыняцця знакамітай Канстытуцыі Рэчы Паспалітай - дзяржавы, спадкаемцамі якой з’яўляюцца Польшча, Літва, Беларусь. Канстытуцыя 1791 гады - гэта дакумент, які называюць другой канстытуцыяй ў свеце, пасля амерыканскай, і першай - у Еўропе.
«Пакуль беларусы з размахам рыхтуюцца адсвяткаваць 9 траўня, палякі і літоўцы ўспамінаюць іншую, не менш важную падзея», - піша «Салiдарнасць».
Паводле традыцыі 3 траўня ў Польшчы - выходны дзень. Ва ўсёй краіне праходзяць маляўнічыя парады і ўрачыстыя цырымоніі, а прадстаўнікі іншых краін - напрыклад, дзяржсакратар ЗША Джон Кэры - дасылаюць віншаванні і кажуць пра тое, што польска-амерыканскія стасункі "маюць глыбокія карані і дасягаюць часоў абвяшчэння ЗША сваёй незалежнасці".
У Літве ў аўторак таксама адзначаюць святочную дату. Звычайна ў гэты дзень парламент краіны праводзіць урачыстае пасяджэнне, а экспэрты і простыя грамадзяне шмат кажуць пра ролю літоўцаў у еўрапейскай гісторыі.
- На нашыя краіны часта глядзяць як на частку Еўропы са слабымі дэмакратычнымі традыцыямі. Канстытуцыя 3 траўня ўвесь час нагадвае, што ідэі прававой дзяржавы і садружнасці народаў тут выказаныя раней за іншых, - неяк падкрэсліў у сваёй прамове літоўскі прэзідэнт Валдас Адамкус.
Магчыма, калі мы пачнём трохі больш шанаваць нашае еўрапейскае мінулае, з'явіцца больш шанцаў і на еўрапейскую будучыню.