Турцыя скасавала візы для дзяржаў Шэнгенскай зоны

Анкара папярэдне падрыхтавала патрэбную заканадаўчую базу для працэсу еўраінтэграцыі.

Пра гэта паведаміў афіцыйны ўрадавы веснік, піша ТАСС.

У тэксце адпаведнай пастановы ўрада паказваецца, што гэты захад фактычна «ўвойдзе ў дзеянне з моманту скасавання Еўразвязам віз для грамадзян Турцыі».

Такім чынам, Анкара папярэдне падрыхтавала патрэбную заканадаўчую базу для ключавой з пункту гледжання стасункаў з Брусэлем і працэсаў еўраінтэграцыі падзеі. 4 траўня Еўракамісія (ЕК), як чакаецца, разгледзіць выніковую справаздачу аб прагрэсе перамоваў з Турцыяй у частцы візавай лібералізацыі. У выпадку яе ўхвалення фактычна павінен пачацца падрыхтоўчы працэс, у выніку якога да 30 чэрвеня Шэнгенскія візы для грамадзян Турцыі будуць скасаваныя.

Анкары для гэтага трэба выканаць 72 умовы, крытэры ЕЗ. Паводле некаторых звестак, краіна закончыла гэты працэс, і цяпер чакае пастановы ЕК. ЕК схільная ўхваліць скасаванне віз з Турцыяй, калі Анкара сапраўды выканае ўсе ўмовы.

18 сакавіка Турцыя і ЕЗ уклалі пагадненне аб пытаннях барацьбы з нелегальнай міграцыяй. У рамках гэтых дамоўленасцей бакі дамовіліся паскорыць працу для скасавання Шэнгенскіх віз для Турцыі і пачаць лібералізацыю не ў 2017 годзе, як гэта планавалася раней, а ўжо з ліпеня гэтага года. Разам з візавай лібералізацыяй Турцыі трэба будзе падпісаць і пачаць выконваць пагадненне аб рэадмісіі з ЕЗ. Гэты дакумент можа быць падпісаны і незалежна ад візавых пытанняў, але Анкара намагае на шчыльнай сувязі гэтых двух пагадненняў.