Лукашэнка прызначыў «Усебеларускі народны сход» на 22 чэрвеня
84- 3.05.2016, 16:14
- 13,278
Да ўдзелу ва «ўсенародным адабрамс» плануецца прыцягнуць 2,5 тысячы чалавек.
Пяты «Усебеларускі народны сход» пройдзе 22-23 чэрвеня. Указ аб скліканні сходу ў гэтыя дні дыктатар падпісаў 3 траўня, паведаміў БелаПАН са спасылкай на прэс-службу Лукашэнкі.
На абмеркаванне выносяцца пытанні аб выніках рэалізацыі «праграмы» сацыяльна-эканамічнага развіцця Беларусі на 2011-2015 гады і аб асноўных палажэннях аналагічнай «праграмы» на 2016-2020 гады.
Колькасць удзельнікаў сходу складзе 2,5 тысяч чалавек. Указ таксама вызначае арганізацыйныя мерапрыемствы ў падрыхтоўцы і правядзенні сходу.
Раней «сход» заўсёды праводзіўся незадоўга да прэзідэнцкіх «выбараў». Мінулы год стаў выключэннем: «выбары» адбыліся 11 кастрычніка, але «Усебеларускі народны сход» так і не правялі. У гэтым годзе ён пройдзе праз два тыдні пасля меркаванай даты старту «парламенцкай» выбарчай кампаніі (7 чэрвеня). Самі парламенцкія «выбары» прызначаныя на 11 верасня.
Нагадаем, што ніводзін з паказчыкаў «праграмы» сацыяльна-эканамічнага развіцця Беларусі на 2011-2015 гады не быў выкананы.