У Малдове стартавалі супольныя з ЗША вучэнні
- 3.05.2016, 21:47
- 12,802
У манеўрах будуць задзейнічаныя блізу 200 вайскоўцаў ЗША і 165 вайскоўца Малдовы.
Калона вайсковай тэхнікі ЗША, якая будзе задзейнічаная ў малдоўска-амэрыканскіх вучэннях Dragon Pioneer 2016, пераехала мяжу краіны раніцай 3 траўня ў кантрольна-транзітным пункце "Скуляны". Пра гэта паведамляе korrespondent.net са спасылкай на Omega.
Праз мяжу пераехала ўдвая больш тэхнікі, чым было афіцыйна заяўлена Міністэрствам абароны Малдовы.
Выданне са спасылкай на тэлеканал Publika паведамляе, што ў краіну заехала больш за 100 адзінак браняванай тэхнікі, нягледзячы на тое, што ў вучэннях быў заяўлены ўдзел 58 адзінак тэхнікі.
Калона прайшла пры падтрымцы спецпадраздзялення паліцыі з Кішынёва пасля таго, як яе праходжанню спрабавалі перашкодзіць некалькі дэпутатаў Партыі сацыялістаў у суправаджэнні актывістаў партыі.