На мяжы з ЕЗ павялічыліся чэргі
- 30.05.2016, 16:06
- 3,588
30 траўня ўдзень Дзяржаўны памежны камітэт Беларусі паведаміў аб павелічэнні чэргаў з фураў на мяжы.
«Яшчэ гадзіну таму ў пункце пропуску «Каменны Лог» на выезд з Беларусі стаяла больш за 300 фур. Цяпер сітуацыя крыху стабілізавалася», - распавёў прэс-сакратар ДПК Аляксандр Цішчанка.
Паводле звестак на 15.30, у «Каменным Логу» ў чаканні на выезд стаяць 220 грузавікоў, у «Катлоўцы» - 100 грузавых аўтамабіляў. Значна менш фур чакаюць выезду ў пунктах «Прывалка» і «Беняконі» - па 20 і 30 адпаведна, паведамляе tut.by.
На польскім кірунку складанасці толькі ў пункце пропуску «Брузгі» - у чарзе 50 грузавых аўтамабіляў.
У Дзяржаўным памежным камітэце перавозчыкам раяць улічваць гэтую інфармацыю. Звесткі пра чэргі ў пунктах пропуску праз дзяржаўную мяжу абнаўляюцца на інтэрактыўнай мапе кожныя дзве гадзіны. У ГПК рэкамендуюць кіроўцам выбіраць найменш загружаныя пункты пропуску.