Крымінальная справа аб буйных хабарах у БДУ накіраваная ў суд
5- 31.05.2016, 9:55
- 10,601
Супрацоўнікі міліцыі затрымалі службовыя асобы пры атрыманні хабару сумаю $1,4 тыс.
Крымінальная справа ў дачыненні да былога кіраўніка аднаго з рэспубліканскіх унітарных прадпрыемстваў сістэмы БДУ, які абвінавачваецца ў атрыманні хабараў у значных і асабліва значных сумах, накіраваная ў суд.
Пра гэта БелТА паведаміў намеснік начальніка аддзела барацьбы з карупцыяй і арганізаванай злачыннасцю пракуратуры Менскай вобласці Ігар Бычко.
Следчыя ўстанавілі, што за падпісанне і падаўжэнне дамоў арэнды памяшканняў і тэрыторыі ўзначаленага ім прадпрыемства кіраўнік патрабаваў ад індывідуальных прадпрымальнікаў і кіраўнікоў камерцыйных структур штомесяц перадаваць яму грашовыя сродкі.
З 2006 года мужчына атрымаў у якасці хабараў ад арандатараў грашовыя сродкі сумаю звыш 150 тыс. еўраў. Супрацоўнікі міліцыі затрымалі службовую асобу пры атрыманні чарговай часткі хабару сумаю $1,4 тыс.
Абвінавачаны зняволены, якая належыць яму маёмасць арыштаваная. «Калі мужчына будзе вінаватым, яму можа быць прызначанае пакаранне ў выглядзе пазбаўлення волі на тэрмін да 15 гадоў з канфіскацыяй маёмасці і пазбаўленнем права займаць пэўныя пасады тэрмінам да 5 гадоў», - адзначыў Ігар Бычко.