9 траўня на станцыі метро «Плошча Перамогі» не будуць спыняцца цягнікі

У сувязі з правядзеннем святочных мерапрыемстваў на плошчы Перамогі 9 траўня будзе зменены рэжым працы станцыі метро «Плошча Перамогі».

Пра гэта паведамілі БелТА ў прэс-службе Менгарвыканкама.

З 5.30 да 7.00 і з 13.00 да 17.00 станцыя будзе працаваць у штатным рэжыме, з 7.00 да 13.00 і з 17.00 да 23.00 цягнікі метрапалітэна пройдуць без прыпынку «Плошча Перамогі».

Інтэрвал руху цягнікоў на лініях Менскага метрапалітэна 9 траўня з 7.00 да 12.00 і з 18.00 да 23.00 складзе 3 хвіліны, з 12.00 да 18.00 - 4 хвіліны, пасля 23.00 - 12 хвілін.