У Менску на адну вакансію дворніка прэтэндуюць 102 беспрацоўныя

Сваімі ўказамі і законамі ўлады давялі беспрацоўных да роспачы.

У сталіцы на адну вакансію дворніка прэтэндуюць 102 беспрацоўных ахвотнікі, грузчыка - 126, ахоўніка - 96, камплектоўшчыка - 60, вартаўніка - 56, піша tut.by. Пра гэта паведаміла намесніца старшыні камітэта працы, занятасцi i сацыяльнай абароны Менгарвыканкама - начальнік упраўлення занятасці насельніцтва Таццяна Кудзевіч.

У Менску на 1 траўня 2016 года афіцыйна зарэгістраваныя 8,2 тысячы беспрацоўных. Колькасць вакансій складае 7,6 тысячы.

З пачатку гэтага года сталічная служба занятасці выдала субсідыю на арганізацыю ўласнай справы 52 беспрацоўным і 557 чалавек накіравала на прафнавучанне.