Вызначыліся фіналісты футбольнай Лігі Еўропы

У фінальным матчы футбольнай Лігі Еўропы згуляюць ангельскія «Ліверпуль» і гішпанская «Севілья».

Брытанцы па суме двух матчаў адолелі гішпанскі «Вільярэал». У сустрэчы ў адказ, што прайшла ў Ліверпулі, мерсісайдцаў атрымалі перамогу з лікам 3:0. Першы мяч у свае брамы на 7-й хвіліне адправіў Бруна Сарыана, другі гол на рахунку нападніка Дэніэла Старыджа (63), трэці забіў Адам Лалана (81). У першай сустрэчы мацнейшымі былі гішпанцы (1:0), паведамляе lenta.ru.

«Севілья» зламала супраціў данецкага «Шахцёра» - 3:1. У пераможцаў дубль на рахунку Кевіна Гамейра (9,47), яшчэ адзін мяч на рахунку Марыяна Ферэйра (59). Ва ўкраінцаў вызначыўся Эдуарда да Сілва (44). Першая гульня завяршылася ўнічыю - 2:2.

Галоўны трэнер севільцаў гішпанец Унаі Эмеры, у 2012 годзе ўзначальваў маскоўскі «Спартак», устанавіў рэкорд, трэцім разам запар вывеўшы клуб у фінал Лігі Еўропы. У двух папярэдніх сустрэчах андалусійцы атрымлівалі перамогу.

Фінальны матч Лігі Еўропы-2015/16 адбудзецца 18 траўня на стадыёне «Санкт-Якаб Парк» у Базэлі.