Кошты гарэлкі з 15 траўня вырастуць на 10%?

Пытанне аб падвышэнні коштаў абмяркоўваўся на пасяджэнні Камісіі аб пытаннях коштаўтварэння пры Саўміне.

Як стала вядома onliner.by, у канцы красавіка прайшло пасяджэнне Камісіі аб пытаннях коштаўтварэння пры Савеце міністраў. На гэтым пасяджэнні абмяркоўвалася падвышэнне гранічных мінімальных коштаў на алкагольную прадукцыю і спірт. Ініцыятар - канцэрн «Белдзяржхарчпрам».

У рэдакцыю патрапіў пратакол пасяджэння ад 28 красавіка. З тэксту відаць, што камісія прыняла пастанову падтрымаць ініцыятыву канцэрна аб падвышэнні мінімальных коштаў на алкагольную прадукцыю мацункам вышэй за 28 градусаў і спірт. Цэннікі павінны вырасці з 15 траўня на 10%.

- Сэнс пастановы - забяспечыць эфектыўную працу холдынгу «Крышталь Груп», каб прадпрыемствы не працавалі ў мінус, - патлумачыла нашая кампетэнтная крыніца.

Іншая правераная крыніца кажа, што пакуль пастанова пасяджэння прынятая не была. Інфармацыі пра падвышэнне коштаў няма і ў Савеце міністраў.

Між тым, як у лютым адзначаў першы намеснік старшыні канцэрна «Белдзяржхарчпрам» Ігар Шустаў, за мінулы год галіна агулам у краіне спрацавала са зніжэннем ўсіх паказчыкаў. Продажы моцнага алкаголю - гарэлкі, лікёра-гарэлачных вырабаў скараціліся да ўзроўню 2014 года на 13%, він пладовых - на 40%.

- Гэта пацягнула за сабой зніжэнне эканамічнай эфектыўнасці прадпрыемстваў - як дзяржаўнага, так і прыватнага сектара. Знізіліся паступленні ў бюджэт краіны. Удзельная вага акцызаў, дарэчы, у бюджэце - ад 4% да 5%, - адзначыў першы намеснік старшыні канцэрна.

Нагадаем, цяпер лімітааны мінімальны раздробны кошт 0,5 літра гарэлкі - 53 тысячы. Калі такая пастанова будзе прынятая, то з 15 траўня паўлітра падаражэе да 58,3 тысячы. Танней прадаваць гарэлку вытворцы ўжо не змогуць.