Швэцыя вырвала ў авэртайме перамогу над Латвіяй у матчы ЧС-2016 у хакеі

У першым матчы групы А чэмпіянату свету ў хакеі 2016 года каманда Швэцыі ў дадатковы час падолела каманду Латвіі (2:1)

Нашы паўночныя суседзі менш за хвіліну не датрывалі, каб звесці матч да латарэі - сэрыі булітаў.

Швэцыя - Латвія - 2:1

Шайбы: 1:0 - Эрыксан (Баклунд, Франсэн, 2.52). 1:1 - Сотніекс (М.Рэдліхс, Джэрыньш, 52.29, больш). 2:1 - Нюквіст (Вэнбэрг, 64.06).

Група А: Швэцыя - 2 (1), Латвія - 1 (1), Чэхія - 0 (0), Данія - 0 (0), Нарвэгія - 0 (0), Расея - 0 (0), Швайцарыя - 0 (0), Казахстан - 0 (0).

Нагадаем, каманда Беларусі на старце турніру згуляе з фінамі. Пачатак сустрэчы - а 20.15, паведамляе «Прессбол».