Злоўлены сусветны лідар у адмыванні грошай наркамафіі

У Калумбіі мясцовая паліцыя сумесна з амерыканскімі наркапаліцэйскімі затрымала прадпрымальніка Нідаля Вакеда Хатума.

Яго ўважаюць за галоўнага ў свеце спецыяліста ў легалізацыі грошай наркамафіі, паведамляе Lenta.ru са спасылкай на тэлеканал TVN Noticias.

Як стала вядома, затрыманне адбылося 4 траўня ў аэрапорце Багаты Эль-Дорада. У дачыненні да Хатума дзейнічаў міжнародны ордэр на арышт, які выдалі ўлады ЗША.

Мужчыну вінавацяць у злачынствах, звязаных з адмываннем грошай, за што яму пагражае да 20 гадоў пазбаўлення волі, а таксама ў банкаўскім махлярстве, што караецца 30 гадамі турмы паводле законаў ЗША.

Улады Калумбіі ўжо распачалі крокі ў экстрадыцыі Вакеда Хатума ў ЗША.

Адзначым, што Нідаль Вакед Хатум - бізнэсовец ліванскага паходжання, які мае таксама панамскае грамадзянства. Ён належыць да адной з самых багатых сем'яў гэтай паўднёваамерыканскай краіны.

Сям'я кантралюе розныя прадпрыемствы: банкі, брокерскія дома, гандлёвыя цэнтры, нерухомасць, газеты. У гэтых кампаніях ў 14 краінах ва ўсім свеце працуе каля 6 тысяч супрацоўнікаў.

У красавіку амерыканскія і калумбійскія паліцыянты перахапілі буйную партыю наркотыкаў, якую злачынцы перавозілі на падводнай лодцы.