500 000 працоўных могуць апынуцца на вуліцы

Нават Мінэканомікі прызнала праблему беспрацоўя.

20 тысяч чалавек працуюць на прадпрыемствах, якія праходзяць працэдуру банкруцтва, і яшчэ 470 тысяч - на прадпрыемствах, якія знаходзяцца ў складаным фінансавым стане. Усяго пад пагрозай звальнення блізу паўмільёна людзей, прызнала Міністэрства эканомікі.

Між тым, паводле афіцыйных падлікаў, на дзяржаўных біржах працы на адну вакансію цяпер прэтэндуюць чатыры чалавекі. Каб патрапіць першымі ў кабінет да кансультанта па працаўладкаванні, звольненыя працоўныя з шасці раніцы займаюць чаргу перад цэнтрам занятасці - за 2 гадзіны да яго адкрыцця, паведамляе «Белсат».

Праўда, нягледзячы на складаную сітуацыю, на заробкі, якія прапануюць дзяржаўныя службы, гатовыя пайсці не ўсё. Прыватныя кадравыя агенцтвы канстатуюць, што ў параўнанні з мінулым годам заробкі, якія працадаўцы прапаноўваюць, у рублях знізіліся прыблізна на 20%.

Прапановаў працы становіцца ўсё менш, у той час як колькасць шукальнікаў павялічылася з мінулага года ў чатыры з паловай разы.

Снежны ком скарачэнне выклікаў, нарэшце, і ўскоснае прызнанне гэтай праблемы ўладамі. Мінэканоміка заявіла, што распрацоўвае варыянты павелічэння дапамогі ў беспрацоўі, праўда, канкрэтных тэрмінаў і лічбаў не назвалі. Незалежныя прафсаюзы заяўляюць, што гэтая мера наспела ўжо даўно, і дадаюць наступныя патрабаванні.

Праўда, грошай у бюджэце, на прызнанне Мінэканомікі, ужо цяпер стае толькі на 11 месяцаў з 12. Афіцыйныя прафсаюзы прапануюць збіраць грошы на дапамогу беспрацоўным беспасярэдне з прадпрыемстваў і работнікаў - праз адлічэнні ў так званы гарантыйны фонд. Рэакцыя ўладаў на прапанову пакуль не агучвалася.

Незалежныя прафсаюзы канстатуюць, павелічэнне дапамогі беспрацоўным - даўно наспеўшы крок, але самой праблемы з беспрацоўем не развязвае. Бо без рынкавых рэформаў, ад якіх улады адмаўляюцца, звольненыя людзі не змогуць знайсці сабе дастойную работу.