Максім Валадзько: Калі баяцца гуляць, навошта наогул выходзіць на поле?
1- 1.06.2016, 11:10
- 11,303
Аўтар пераможнага гола ў ірландскія брамы пасля таварыскага матчу (2:1) заявіў, што не баіцца рызыкі на полі.
Пра гэта паведамляе «Прессбол».
- Ты сыграў ярка, але і авантурна. Ісці ў абгульванне на сваёй палове поля - гэта смела.
- Калі баяцца гуляць, навошта наогул выходзіць на поле? Хоць у абароне, вядома, так дзейнічаць небяспечна. Гэта рызыкоўна. Але што рабіць - часам рызыкую...
- Трэнер за гэта сварыцца?
- Часам. Калі здарыцца абрэзка, то, пэўна ж, мяне вылаяць. Можа, дастанецца і на разборы матчу з ірландцамі. Бо як мы прапусцілі гол? Я абгульваў спаборніка на замаху, прывёз аўт. А гаспадары з гэтага пачалі галявую атаку, скараціўшы лік да 1:2 і забяспечыўшы нам нервовую канцоўку.
Нагадаем, у Корку ў таварыскім паядынку каманда Беларусі ўзяла верх над камандай Ірландыі з лікам 2:1.