У кватэры Навальнага зладзілі ператрус
2- 1.06.2016, 16:17
- 5,492
У ператрусе бяруць удзел супрацоўнікі цэнтра барацьбы з экстрэмізмам.
У кватэры Аляксея Навальнага зладзілі ператрус у рамках расследавання справы аб паклёпе, распачатай паводле заявы былога следчага МУС Паўла Карпава, аднаго з фігурантаў «спісу Магніцкага». Як паведаміў адвакат Вадзім Кобзеў, у ператрусе бяруць удзел супрацоўнікі цэнтра барацьбы з экстрэмізмам, паведамляе meduza.io.
У @navalny начинается обыск pic.twitter.com/nxT5iQLRnd
— Вадим Кобзев (@advokatkobzev) 1 июня 2016 г.
Оперуполномоченные Центра по борьбе с экстремизмом роятся в прихожей pic.twitter.com/0GSyz5U5hf
— Вадим Кобзев (@advokatkobzev) 1 июня 2016 г.
1 чэрвеня Навальнага дапыталі ў справе аб паклёпе, прычым падчас допыту яго абшукалі. «Вывернулі кішэні, папляскалі па спіне, прымусілі зняць чаравікі і пастукаць імі аб падлогу», - распавёў Навальны пра ператрус.
«Для чаго патрэбен ператрус у справе аб паклёпе - нават не ўяўляю, бо справа распачатая «праз запісы ў блогу Навальнага». Напэўна, яго і шукаюць - блог Навальнага», - дадаў апазіцыянер.
Былы следчы Павел Карпаў паскардзіўся на Аляксея Навальнага ў сувязі з тым, што апазіцыянер публікаваў у сваім блогу фільм «Каста недатыкальных», у якім Карпава абвінавачваюць у дачыненні да смерці юрыста фонду Hermitage Capital Сяргея Магніцкага.
У чэрвені 2015 года Карпаў у сувязі з выхадам «Касты недатыкальных» адсудзіў восем мільёнаў рублёў у Hermitage Capital, яго кіраўніка Уільяма Браўдэра і заснавальніка кансалтынгавай кампаніі Firestone Duncan Джэймісана Фаерстоўна.