Польскія памежнікі затрымалі беларусаў, якія абакралі супермаркет у Беластоку

Чацвёра беларусаў вынеслі з гандлёвага цэнтра Atrium Biała адзення на 900 злотых і збіраліся перасекчы мяжу.

Здарэнне з удзелам 4 грамадзян Беларусі адбылося ў панядзелак. Блізу поўдня польскія памежнікі атрымалі інфармацыю аб транспартным сродку, на якім мяжу могуць перасякаць чацвёра падазраваных у крадзяжы адзення з крамаў гандлёвага цэнтра Atrium Biała ў Беластоку.

У агульнай складанасці там прапала тавару на 900 злотых (блізу 4,5 млн беларускіх рублёў), паведамляе Białystok Online (пераклад - onliner.by).

Схема крадзяжу была такая: адзін з мужчын у распранальні здымаў датчыкі супраць крадзяжу з мужчынскага адзення, а іншыя дапамагалі яго выносіць.

Правёўшы маніторынг, паліцыя выявіла аўтамабіль, на якім злодзеі маглі з'ехаць з гандлёвага цэнтра, і адправіла інфармацыю на мяжу ў надзеі, што зламыснікі адправіліся дадому. Так і сталася.

Nissan з чатырма беларусамі ва ўзросце ад 23 да 29 гадоў быў спынены пры перасячэнні мяжы ў Кузніцы. У аўто, акрамя ўласных рэчаў былі шкарпэткі, кашулі, штаны, абутак. Чэкаў на пакупкі ў беларусаў не выявілася.

Паліцыя дапускае, што гэты выпадак можа быць не адзіным з боку беларусаў.

У Генеральным консульстве Беларусі ў Беластоку адмовіліся ад афіцыйных каментароў да высвятлення абставінаў здарэння.