Шварцэнэгер зняў на відэа свае ўцёкі ад слана

Ролік прагледзелі больш за 350 тысяч разоў.

Галівудскі актор і былы губернатар штата Каліфорнія Арнольд Шварцэнэгер апублікаваў на сваёй старонцы ў Instagram відэазапіс, на якім ён ратуецца ад слана. Ролік прагледзелі больш за 350 тысяч разоў, пры тым, што на старонку артыста падпісаныя больш за 5,4 мільёна карыстальнікаў, піша Lenta.ru.

Паводле інфармацыі The Daily Mail, зорка серыі фільмаў пра Тэрмінатара знаходзіўся ў сафары ў ПАР. Да джыпа, у якім знаходзіўся ён і астатнія турысты, падышоў дарослы слон.

30 ліпеня Шварцэнэгеру споўніцца 69 гадоў.