«Дэпутат»: Трэба растлумачыць народу, што ён яшчэ доўга будзе дрэнна жыць

Адзін з «дэпутатаў палаткі» распавёў, навошта патрэбны «Усебеларускі сход».

Адна з галоўных загадак цяперашняга Усебеларускага народнага сходу крыецца ў тым, навошта яна наогул спатрэбілася.

Раней падобныя «хуралы» праводзіліся напярэдадні «прэзідэнцкіх выбараў», каб расказаць пра тое, як «дзяржава для народа» стала яшчэ мацнейшай і больш працвітаючай. Але ў 2015-м, у святле асоба выбітных поспехаў у эканоміцы і нябачанага росту (адмоўнага) дабрабыту насельніцтва, наважылі, што лепш гэтага не рабіць.

Сэнс сходу ў гэты момант, мякка кажучы, невідавочны. Зрэшты, блізкай да рэальнасці выглядае версія, агучаная адным з дэпутатаў «палаты прадстаўнікоў», што не занадта баяўся нефармальнай размовы з журналістамі, у гутарцы з «БелГазетай»:

«Навошта-навошта... Пра эканоміку пагаварыць. Трэба ж патлумачыць народу, што мы не толькі сёлета дрэнна жыць будзем, але і ў наступным, і праз год. І што ніхто ў гэтым не вінаваты, што зараз усе так жыць будуць, нават расейскія алігархі».