У Менску правялі акцыю салідарнасці з Эдуардам Пальчысам
1- 23.06.2016, 21:40
- 16,545
Некалькі дзясяткаў чалавек прыйшлі да Галоўпаштамту, каб падпісаць паштоўкі Эдуарду Пальчысу ў турму.
Эдуард Пальчыс - рэдактар сайта 1863x.com, якога абвінавачваюць у распальванні нацыянальнай варожасці, нагадвае «Белсат».
Перад акцыяй міліцыянты спынілі аўтамабіль Яўгена Батуры, затрымалі яго за бел-чырвона-белыя сцягі на аўтамабілі і павезлі ў Маскоўскі РУУС Менска.
Сустаршыня «Маладога фронту» Зміцер Дашкевіч раней прапанаваў 23 чэрвеня з 19:00 да 20:00, без сцягоў і плакатаў сустрэцца каля Галоўпаштамта, каб падпісаць паштоўкі салідарнасці Эдуарду Пальчыса.
Эдуард Пальчыс больш вядомы пад псеўданімам Jhon Silver, не так даўно быў экстрадаваны ў Беларусь з Расеі. Спачатку знаходзіўся ў СІЗА N1 Менска, пасля яго перавялі ў Жодзіна.
Напісаць яму можна на адрас: 222160, Менская вобласць, г. Жодзіна, вул. Савецкая, 22А, турма №8. Пальчысу Эдуарду Аляксандравічу.