Кіраўнік урада Шатландыі: Мы бачым нашу будучыню ў складзе ЕЗ

Паводле папярэдніх звестак, 62% насельніцтва Шатландыі выказаліся за захаванне сяброўства ў Еўразвязе.

Шатландыя бачыць сваю будучыню ў складзе Еўразвязу, заявіла першая міністарка Шатландыі Нікола Стэрджэн, каментуючы папярэднія вынікі рэферэндуму аб сяброўстве Брытаніі ў ЕЗ.

«Шатландыя ясна і рашуча прагаласавала за тое, каб застацца часткай Еўразвязу», - падкрэсліла лідарка Шатландскай нацыянальнай партыі (SNP).

Раней яна адзначала, што «брэксіт» можа стаць пралогам да незалежнасці Шатландыі, паведамляе BBC.

Паводле папярэдніх звестак, 62% насельніцтва Шатландыі выказаліся за захаванне сяброўства ў ЕЗ, 38% прагаласавалі за выхад з блока.

Былы лідар шатландскіх нацыяналістаў Алекс Салмонд ужо заклікаў правесці паўторны рэферэндум аб незалежнасці Шатландыі.

Тым часам ірландская нацыяналістычная партыя «Шын Фейн» заявіла аб тым, што Паўночная Ірландыя павінна атрымаць дазвол на правядзенне рэферэндуму аб аб'яднанні з Ірландыяй.

«Сённяшняе пастанова драматычна мяняе палітычны расклад на поўначы Ірландыі, і мы актывізуем наш даўні заклік да правядзення галасавання», - сказаў старшыня «Шын Фейн» Дэклан Керн.

Падлік галасоў на рэферэндуме доўжыцца. Прыхільнікі «брэксіта» прадаўжаюць лідзіраваць з перавагай прыкладна ў мільён галасоў.